S obzirom da današnji dan dopušta da pojedete više čokolade nego inače, savjetujemo vam da napravite preukusnu čokoladnu tortu.
Potrebni sastojci:
Kora:
jaja – 3
šećer – 150 g
ulje – 100 ml
mlijeko – 100 ml
brašno – 120 g
kakao – 20 g
vanilin šećer – 1 kesica
so – prstohvat
čokoladno mlijeko – 100 ml
Fil:
mlijeko – 800 ml
puding od čokolade – 3
šećer – 100 g
čokolada – 200 g
nutela – 200 g
puter 200 g
Krema:
crna čokolada – 200 g
slatka pavlaka – 200 ml
Dekoracija:
maline po želji
listići badema po želji
lješnik po želji
Kako pripremiti
Umutite jaja, šećer, vanilin šećer i so mikserom, dodajte tečne sastojke – mlijeko i ulje, a zatim u tečne sastojke sipajte pomiješano brašno i kakao. Smjesu pecite oko 20 minuta na 180 stepeni. Dok se kora peče pripremite fil. Puding razmutite u malo mlijeka sa šećerom, pa ga skuhajte u ostatku mlijeka. Dok je još vruće dodajte čokoladu. Ohladite puding i dodajte nutelu, pa umućen margarin.
U okrugli kalup stavite ohlađenu koru, poprskajte je čokoladnim mlijekom, pa sipajte cijeli fil. Ostavite nekoliko sati da se ohladi, pa sipajte kremu.
Kada se krema stegne, dodajte maline, listiće badema i lješnik ako želite, piše Blic.