Sok od nane smiruje nervozu, napetost, dobar je lijek protiv nesanice. Preporučuje se i kod glavobolja, problema s varenjem, grčeva i mučnine, menstrualnih bolova.
Sajt Prirodno i zdravo, navodi da pomaže i kod otežanog disanja zbog astmatičnih napada ili raznih sezonskih alergija, neuralgije, simptoma prehlade i gripa, te reumatskih bolova. Možda je zato ovih dana mnogi tragaju za savršenim receptom. Predstavljamo vam tri varijante.
Sirup od nane
Sastojci:
500 grama svježe nane (mente)
3 kilograma šećera
1 kesica limuntosa
4 litra vode
Priprema:
U veću šerpu sipajte tri kilograma šećera i četiri litra vode i stavite na tihu vatru da proključa. Kad počne da vri, smanjite vatru i ostavite da stoji na ringli još oko pola sata. Nakon pola sata sklonite šerpu sa šporeta, dodajte kesicu limuntosa i promješajte, a zatim ubacite svježu mentu.
Poklopite šerpu i ostavite da stoji tako 24 sata. Procijedite sok kroz sterilnu gazu i sipajte ga u flaše. Domaći sok od nane čuvajte na tamnom i hladnom mjestu (najbolje u frižideru), razblaživati s običnom ili mineralnom vodom.
Takođe, ovaj sok možete dodatno obogatiti time što ćete u njega ubaciti krišku limuna, limete, narandže ili malo cimeta.
Sok od limuna i nane
Sastojci:
2 l vode
200 g šećera
10 vrhova svježe nane
1 limun
Priprema:
Prokuvajte vodu i šećer, pa kad se ohladi, dodajte nanu. Ostavite da odstoji 24 sata, pa nakon toga procijedite i dodajte sok jednog limuna