Drvo je prirodan materijal koji se lako uklapa u različite stilove enterijera, ali zahtjeva malo pažnje. Da bi sto, komoda ili ormar dugo izgledali lepo, izbjegavajte direktno izlaganje suncu i blizinu izvora toplote, a prašinu redovno uklanjajte mekom krpom.
Evo 5 korisnih savjeta koji mogu da vam olakšaju održavanje drvenog namještaja.
Vratite drvetu prirodan sjaj
Za njegu drvenih površina koristite sredstva namenjena poliranju nameštaja, poput odgovarajućih ulja ili voska. Važno je da pre nanošenja provjerite da li su pogodni za završnu obradu vašeg namještaja.
Pažljivo uklanjajte prašinu
Za svakodnevno čišćenje dovoljna je meka, suva ili blago navlažena krpa. Izbjegavajte agresivna sredstva i previše vode, jer vlaga može da ošteti drvo. Nakon brisanja površinu obavezno osušite.
Spriječite nastanak mrlja od vode
Čaše i šolje uvijek odlažite na podmetače kako biste izbjegli tragove od vlage. Ako se mrlja ipak pojavi, nemojte odmah posezati za grubim sredstvima za čišćenje, već prvo isprobajte preparat namijenjen konkretnoj vrsti drvene površine.
Riješite se upornih fleka
Mrlje od mastila i drugih nečistoća mogu biti nezgodne za uklanjanje. Prije nego što primijenite sodu bikarbonu ili neko drugo kućno sredstvo, provjerite kako reaguje na manje vidljivom dijelu namještaja. Nježno čišćenje je uvek bolji izbor od grubog trljanja, prenosi Najžena.
Ublažite sitne ogrebotine
Manje ogrebotine mogu se prikriti markerima za drvo u odgovarajućoj nijansi, dok za ozbiljnija oštećenja postoje posebni preparati za popravku. Prije upotrebe bilo kog sredstva provjerite da li odgovara boji i završnoj obradi namještaja.
Uz redovno i pažljivo održavanje, drveni namještaj može dugo da zadrži svoju ljepotu. Nekoliko jednostavnih navika dovoljno je da vaš dom uvijek izgleda uredno, toplo i prijatno.
Saznajte sve o najvažnijim vijestima i događajima, čitajte na Google News.