Njeni cvjetovi ne samo da uljepšavaju krajolik krajem proljeća, već se i koriste za pripremu čajeva, tinktura i sve popularnijeg domaćeg soka.
Kada i kako brati lipu?
Idealno vrijeme za branje je u kasno proljeće ili rano leto odnosno od kraja maja do početka jula, zavisno od regiona i vremenskih uslova.
Lipa se bere kad je u punom cvatu, a najbolji su sunčani i suvi dani, tokom jutarnjih sati, nakon što se rosa osuši jer je tada koncentracija eteričnih ulja najviša.
Lipa – umiruje i štiti od prehlade
Beru se cvjetovi s braktejom (onim svetlozelenim listićem uz cvijet), dok su još svježi i mirisni. Važno je izbjegavati one koji su počeli da tamne ili venu jer gube ljekovitost.
Lipu nakon branja nemojte prati, ali pazite gdje je berete, da je udaljena od saobraćajnica i mjesta gdje se prska pesticidima. Odsijecite samo cvjetiće, odnosno odstranite listiće.
Recept za sok
Iako postoje brojne verzije i recepti za izradu domaćeg soka, mi vam donosimo onaj najjednostavniji koji vraća u djetinjstvo. Možete se poigrati, pa dodati još neke ukuse (narandža, lavanda ili neko drugo ljekovito bilje), ali nemojte pretjerivati kako ne bi preuzelo glavni ukus lipe.
Za izradu domaćeg soka od lipe biće vam potrebno 40-50 cvjetova (s braktejom), tri litre vode, tri limuna (nasečena na kriške), dva kilograma šećera i jedna kesica limunske kiseline (oko 10 g).
Priprema: U veću posudu stavite cvetove lipe i nasječen limun. Prelijte to hladnom vodom i dodajte limunsku kiselinu. Pokrijte i ostavite da stoji 24 sata na hladnom i tamnom mjestu. Nakon što prođe to vrijeme, procijedite kroz gazu ili gusto sito. Zatim tečnost zagrijte, dodajte šećer i miješajte dok se potpuno ne otopi. Ulijte sirup u sterilisane boce i čuvajte na hladnom. Boce možete sterilisati tako da ih prethodno operete i stavite da se zagriju u rerni na 50 – 60 °C (zavisno od jačine rerne).
Sok je odličan razrijeđen s vodom ili mineralnom vodom, a može se koristiti i kao dodatak koktelima i dezertima.
Osim za sok, lipa se može osušiti i koristiti za čaj protiv nesanice, kašlja i prehlade. Za čaj se nakon branja cvetovi suše na prozračnom, sjenovitom mjestu u tankom sloju, bez izlaganja direktnom suncu. Kada postanu krhki na dodir, spremni su za čuvanje u papirnnim kesicama ili teglama, piše Agroklub.