Pjesma nastala 1986. godine tako je doživjela savremeni crossover u saradnji s mladim trep izvođačem Emanuelom Burićem Mančem i to u novom aranžmanu za koji je zaslužan Borisov dugogodišnji saradnik i producent Miro Buljan.
– Kako bi se upravo pokazao vremenski raspon od 40 godina reditelj Sergej Seferović poslužio se savremenom tehnologijom i uz pomoć AI napravio videospot koji kroz niz vizuelnih transformacija pokazuje Borisa s početka karijere pa do danas. Poruka na kraju spota ‘Nastavlja se…’ označava da je ovo samo početak Borisovog novog projekta započetog s Mirom Buljanom – reinterpretacije njegovih najvećih hitova – saopštila je Croatia Records.
– Pogledajte spot, poslušajte pjesmu i javite u komentarima kako vam se sviđa Tamara 2026 – napisali su na stranici Borisa Novkovića.
Na njihov poziv odazvali su se mnogi, pa je bilo očigledno da je spot izazvao burne reakcije.
“Samo je Čak Noris znao kuda idu izgubljene djevojke”, “Ovo se zove kako uništiti dobru pjesmu. Koma”, “Bože, upropastiti tako pjesmu…. a spot šaka jada”, “Borisa obožavam, Tamaru isto… ali ovo ne!, “Nije ti ovo trebalo”, pišu u komentarima.
“Zar Borisu Novkoviću treba vještačka inteligencija za kreiranje pjesama?”, “Neke pjesme uopšte ne treba dirati i one trebaju ostati takve kakve jesu, a ova je takva. Takođe i originalni video spot se mogao dodatno poboljšati. Žao mi je”, “Dobro se ne dira… Šteta uništene pjesme.”
Našlo se i nekoliko pozitivnih komentara.
“Top mi je obrada ! Bravo Borise”, “Predobro, odlično, super!”, neke su od rijetkih pozitivnih reakcija.
Saznajte sve o najvažnijim vijestima i događajima, čitajte na Google News.