Ministarstvo zdravlja Gaze saopštilo je da je kampanja vakcinacije protiv polia, koju podržava UN, a koja je trebalo da obuhvati više od 600.000 djece, obustavljena, čime je enklava izložena opasnosti od ponovnog pojavljivanja ove bolesti koja je gotovo bila iskorijenjena.
U diplomatskim naporima za okončanje konflikta, delegacija Hamasa trebala je da stigne u Kairo na pregovore. Dva izvora su rekli da će delegacija razgovarati o novoj ponudi koja bi uključivala primirje od 5-7 godina nakon oslobađanja svih talaca i okončanja borbi.
Izvori su rekli da Izrael, koji je odbio nedavnu ponudu Hamasa o oslobađanju svih talaca u zamjenu za kraj rata, još nije odgovorio na revidiranu ponudu za dugoročno primirje. Izrael zahtjeva da Hamas bude razoružan, što oni odbijaju.
Stanovnici su izjavili da su izraelske snage bombardovale nekoliko oblasti širom enklave, koristeći tenkove, avione i pomorske brodove. Napadi su bili usmjereni na kuće, šatorska naselja i puteve.